ଶ୍ରୀ ଶ୍ରୀ ପଶ୍ଚିମେଶ୍ୱର ଦେବଙ୍କ ପୀଠରେ ମହାଶିବରାତ୍ରି ପାଳନ।
ବୋଲଗଡ଼,୧୬/୦୨(ଉପାନ୍ତ ଖବର): ଶିବ ହିଁ ଶିବ, ଶିବମୟ ହୋଇଉଠିଛି ପରିବେଶ। ପବିତ୍ର ମହାଶିବରାତ୍ରି ଅବସରରେ ପ୍ରତ୍ୟେକ ଶୈବପୀଠ ଗୁଡିକରେ ଶ୍ରଦ୍ଧାଳୁ ଭକ୍ତ ମାନଙ୍କର ଗହଳି ଲାଗି ରହିଛି। ମହାଶିବରାତ୍ରି ଭାରତୀୟ ଧାର୍ମିକ ସଂସ୍କୃତିର ଏହି ପର୍ବର ଏକ ବିଶେଷ ମହତ୍ତ୍ୱ ରହିଛି। ଶିବ ଓ ଶକ୍ତିର ମିଳନର ପ୍ରତୀକ ସ୍ଵରୂପ ମହାଶିବରାତ୍ରି। ଶିବ ଶକ୍ତିଙ୍କ ମିଳନ ଓ ଅନ୍ଧକାର ଉପରେ ଆଲୋକର ବିଜୟକୁ ପାଳନ କରାଯାଏ। ଫାଲଗୁନ କୃଷ୍ଣ ଚତୁର୍ଦ୍ଦଶୀ ତିଥି ରେ ଏହା ପାଳନରାଯାଇଥାଏ। ଏହି ଦିନ ଦେଶର ସବୁ ପ୍ରାନ୍ତରେ ଭକ୍ତ ମାନେ ଉପବାସ ପାଳନ କରି ଭଗବାନ ଶିବଙ୍କ କୃପା ଲାଭ କରିଥାନ୍ତି। ଏହି ମହାଶିବରାତ୍ରି ରେ ପ୍ରତେକ ଶୈବପୀଠ ଗୁଡିକରେ ବିଧି ବିଧାନ ଅନୁଯାୟୀ ମହାଶିବରାତ୍ରି ପାଳନ କରାଯାଇ ଥାଏ। ଏହି ଅବସରରେ ବୋଲଗଡ଼ ବ୍ଲକ୍ ଅଞ୍ଚଳରେ ବିଭିନ୍ନ ଶୈବପୀଠ ରେ ମହାଶିବରାତ୍ରି ପାଳନ କରାଯାଇଛି ସେଥିମଧ୍ୟରୁ ପାଟବନ୍ଧରେ ଥିବା ବହୁ ପୂରାତନ ଶୈବ ପୀଠ ପଶ୍ଚିମେଶ୍ୱର ଦେବ ମନ୍ଦିର ରେ ମହାଶିବରାତ୍ରି ଧୁମ୍ ଧାମ ରେ ପାଳନ କରାଯାଉଛି। ସକାଳୁ ଦିନ ତମାମ ମନ୍ଦିରରେ ବହୁ ଶ୍ରଦ୍ଧାଳୁ ଭକ୍ତ ମାନଙ୍କର ଭିଡ ଦେଖି ବାକୁ ମିଳିଥିଲା ଏବଂ ସଂଧ୍ୟା ସମୟରେ ଆଖପାଖ ଅଞ୍ଚଳରୁ ଆସିଥିବା ବହୁ ଶ୍ରଦ୍ଧାଳୁ ଭକ୍ତ ମାନେ ମନ୍ଦିର ପ୍ରାଙ୍ଗଣରେ ଉଜାଗର ରହି ଦୀପ ଯାଳି ଥିଲେ। ଏବଂ ରାତ୍ରି ୧୧ଘଟିକା ସମୟରେ ହରିବୋଲ ହୁଳହୁଳି ଘଣ୍ଟ ନାଦ ମଧ୍ୟରେ ମହାଦୀପ ଉଠିଥିଲା। ଏହି ଅବସରରେ ରାମନାଟକ ଓ ଭଜନ ସମାରୋହ ପରିବେଷଣ କରାଯାଇଛି।ଶ୍ରଦ୍ଧାଳୁ ଭକ୍ତମାନଙ୍କ ପାଇଁ ପ୍ରସାଦ ସେବନ ର ବ୍ୟବସ୍ଥା କରାଯାଇଥିଲା । ଏହି କାର୍ଯ୍ୟକ୍ରମରେ ସମାଜସେବୀ ମନୋଜ କୁମାର ପ୍ରଧାନ ଯୋଗଦେଇ ଆଶ୍ରୀବାଦ ଭିକ୍ଷା କରିବାସହିତ ମନ୍ଦିର କମିଟିର ସମସ୍ତ ସଦସ୍ୟ ମାନଙ୍କୁ ଧନ୍ଯବାଦ ଅର୍ପଣ କରିଥିଲେ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।
