ଗଜପତି:- ଜିଲ୍ଲା ପୋଲିସ ପ୍ରଶାସନ ପକ୍ଷରୁ ପୁନରୁଦ୍ଧାର ହୋଇଥିବା ମୋବାଇଲ ଫୋନ୍ ବଣ୍ଟନ ମେଳା
ଗଜପତି ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଆଜି ପାରଳାଖେମୁଣ୍ଡି ଉପକଣ୍ଠସ୍ଥ ରାଣୀପେଣ୍ଠା ସ୍ଥିତ ଜିଲ୍ଲା ପୋଲିସ ମୁଖ୍ୟାଳୟ ଠାରେ ପୂର୍ବରୁ ଚୋରି ଓ ହଜିଯାଇଥିବା ୭୦ ଟି ମୋବାଇଲ ପୋଲିସ ପୁନରୁଦ୍ଧାର କରିବା ସହ ଏକ ମୋବାଇଲ ଫୋନ ବଣ୍ଟନ ମେଳାର ଆୟୋଜନ କରି ସେସବୁ ପ୍ରକୃତ ମାଲିକଙ୍କୁ ଫେରସ୍ତ ତଥା ବଣ୍ଟନ କରିଛନ୍ତି ।
ଗତ ସେପ୍ଟେମ୍ବର-୨୦୨୬ ରେ ଜିଲ୍ଲାର ବିଭିନ୍ନ ପୋଲିସ ଷ୍ଟେସନ ଏବଂ ସାଇବର ସେଲ୍, ପାରଳାଖେମୁଣ୍ଡିର ସମନ୍ୱିତ ପ୍ରୟାସ ମାଧ୍ୟମରେ ଗଜପତି ଜିଲ୍ଲା ପୋଲିସ ପ୍ରାୟ ୭୦ଟି ହଜିଯାଇଥିବା ଓ ଚୋରି ହୋଇଥିବା ମୋବାଇଲ୍ ଫୋନ୍ ସଫଳତାର ସହ ଉଦ୍ଧାର କରିଥିଲା ।
CEIR ପୋର୍ଟାଲ୍, ବୈଷୟିକ ଉପକରଣ ଏବଂ ସମ୍ପୃକ୍ତ ପୋଲିସ ଦଳ ଦ୍ୱାରା କ୍ଷେତ୍ର ସ୍ତରୀୟ ଅନୁସରଣର ପ୍ରଭାବଶାଳୀ ବ୍ୟବହାର ଦ୍ୱାରା ମୋବାଇଲ୍ ଫୋନ ଗୁଡ଼ିକୁ ଖୋଜି ବାହାର କରାଯାଇଥିଲା। ଏହି ଉଦ୍ଧାର ଜିଲ୍ଲା ପୋଲିସର ଜନସାଧାରଣଙ୍କ ଅଭିଯୋଗର ତୁରନ୍ତ ସମାଧାନ ଏବଂ ହଜିଯାଇଥିବା ସମ୍ପତ୍ତିର ପୁନରୁଦ୍ଧାର ପାଇଁ ପ୍ରଯୁକ୍ତିର ବର୍ଦ୍ଧିତ ବ୍ୟବହାରକୁ ପ୍ରତିଫଳିତ କରିବାରେ ବେଶ୍ ସହାୟକ ହୋଇପାରିଛି।
ପୋଲିସ ପକ୍ଷରୁ ଚୋରି ଓ ହଜିଯାଇଥିବା ମୋବାଇଲ ଗୁଡ଼ିକ ଉଦ୍ଧାର ହେବା ପରେ ସେ ସବୁର ମାଲିକାନା ପାଇଁ ଉପଯୁକ୍ତ ଯାଞ୍ଚ କରାଯିବା ପରେ, ଆଜି, ୦୬ ଅକ୍ଟୋବର ୨୦୨୬ରେ, ଗଜପତି ଜିଲ୍ଲା ପୋଲିସ କାର୍ଯ୍ୟାଳୟର ସମ୍ମିଳନୀ ହଲ ଠାରେ ଜିଲ୍ଲା ପୋଲିସ ଅଧିକ୍ଷକ ଶ୍ରୀ ପ୍ରହଲ୍ଲାଦ ସହାଈ ମୀନା’ଙ୍କ ଦ୍ୱାରା ଉଦ୍ଧାର ମୋବାଇଲ୍ ଫୋନ୍ ସେମାନଙ୍କର ପ୍ରକୃତ ମାଲିକଙ୍କୁ ହସ୍ତାନ୍ତର କରା ଯାଇଥିଲା।
ମୋବାଇଲ ଫୋନ ପୁନରୁଦ୍ଧାର ଅଭିଯାନରେ ସାମିଲ ସାଇବର ସେଲ୍ ଏବଂ ପୋଲିସ ଷ୍ଟେସନ କର୍ମଚାରୀଙ୍କ ସମନ୍ୱିତ ପ୍ରୟାସକୁ ଗଜପତି ଜିଲ୍ଲା ପୋଲିସ ଅଧ୍ୟିକ୍ଷକ ଶ୍ରୀ ମୀନା ଭୂୟସୀ ପ୍ରଶଂସା କରିଛନ୍ତି।
ଗଜପତି ପୋଲିସ ପ୍ରଯୁକ୍ତିବିଦ୍ୟା-ଚାଳିତ, ନାଗରିକ-କୈନ୍ଦ୍ରିକ ପୋଲିସିଂ ପ୍ରତି ପ୍ରତିବଦ୍ଧ ଏବଂ ହଜିଯାଇଥିବା ଓ ଚୋରି ହୋଇଥିବା ମୋବାଇଲ୍ ଫୋନ୍ ଖୋଜିବା ଏବଂ ପୁନରୁଦ୍ଧାର କରିବା ପାଇଁ ଆଗାମୀ ଦିନ ମାନଙ୍କ ପାଇଁ ମଧ୍ୟ ଏହାର ନିଶ୍ଚିତ ପ୍ରୟାସ ଜାରି ରଖିବ ବୋଲି ପ୍ରେସ ସୂଚନା ମାଧ୍ୟମରେ ଜିଲ୍ଲା ପୋଲିସ ପ୍ରଶାସନ ଜଣାଇଛନ୍ତି ।
ଏହି ମୋବାଇଲ ଫୋନ୍ ବଣ୍ଟନ ମେଳା କାର୍ଯ୍ୟକ୍ରମରେ ଜିଲ୍ଲା ପୋଲିସ ଆରକ୍ଷୀ ଅଧୀକ୍ଷକ(ଏସପି) ଶ୍ରୀ ପ୍ରହଲ୍ଲାଦ ସହାଈ ମୀନା’ଙ୍କ ସମେତ ଅନ୍ୟମାନଙ୍କ ମଧ୍ୟରେ ଆର: ଉଦୟଗିରି ଏସଡିପିଓ ଶ୍ରୀ ରାକେଶ କୁମାର ସାହୁ(ଆଇପିଏସ), ଅତିରିକ୍ତ ଆରକ୍ଷୀ ଅଧୀକ୍ଷକ ଶ୍ରୀ ବିରଞ୍ଚି ନାରାୟଣ ବାଗ ଏବଂ ଡିଏସପି ଶ୍ରୀ ଅମିତାଭ ପଣ୍ଡା ପ୍ରମୁଖ ମଞ୍ଚାସିନ ଥିଲେ।
——————————————
ଗଣେଶ କୁମାର ରାଜୁ
ପାରଳାଖେମୁଣ୍ଡି (ଗଜପତି)
—————————————–
